Si Mayor Thadeo Ouano ug Barangay Affairs Coordinating Office (BACO) head Jovito "Jonkie" Ouano maoy nangunay sa pagpanghatag niini niadtong miaging adlaw.
Si Ouano nga unang mipatuman sa maong programa sa tuig 2004 hingpit na nga nakapahigayon sa paghatag og Philhealth Insurance sa mokabat 18,000 ka mga kabus sa dakbayan.
Molungtad lamang og usa ka tuig ang maong kasiguroan sa Philhealth sa mga kabus sa dakbayan ug hingpit kining mi-expire sa miaging tuig 2005.
Sa pagpakighinabi sa Banat News kang Ouano maoy nasayran nga ang mokabat sa 10,000 ka mga kabus sa kabarangayan ang na-renew niining tuiga.
Ang 1,600 ka mga kabus maoy nadugang isip tugbang usab sa kagamhanan sa lalawigan ubos sa gipatuman ni Gobernador Gwendolyn Garcia nga Philhealth Indigency Program.
Dugang pa sa mayor nga si Garcia mihatag usab og group accident insurance sa mga barangay official ug barangay tanod, barangay health worker, day care worker kinsa gihatagan usab og BHW kits ug uban pa.