Horn tiwalang tatalunin si Pacquiao

MANILA, Philippines -  Kasabay ng opisyal na pagkakahayag ng Queensland Government sa kanilang laban ay tinawag ni Australian challenger Jeff Horn si Filipino boxing superstar Manny Pacquiao na ma-tanda na at panahon na para palitan sa kanyang trono.

“I never thought Pacquiao would still be around when I got my world title shot,” sabi ni Horn sa kanyang paghahamon kay Pacquiao sa Hulyo 2 sa 55-seater na Suncorp Stadium sa Brisbane, Australia.

Idedepensa ni Pacquiao ang kanyang suot na World Boxing Organization welterweight title laban kay Horn, dating school teacher.

“He is getting a bit older, I am still young. I am ready to take this shot and I am ready to take it off Pacquiao,” dagdag pa nito.

Sinabi ni Michael Koncz, ang Canadian business adviser ni Pacquiao, na matapos nilang pabagsakin si Horn ay kaagad silang aalis ng Australia.

“Pacquiao and his managers sound a bit confident and cocky,” wika ni Horn, lumaban sa London Olympics noong 2012.

“It’s like ‘we will just take this fight, come to Brisbane, knock over Jeff Horn, make their millions and go do the (Amir) Khan fight’. I hope he keeps feeling that way.”

Kamakailan ay sinabi ng Duco Events, ang promoter ni Horn, na wala pang anumang napapana-lisa bagama’t inihayag ni Bob Arum ng Top Rank Promotions na tuloy na ang upakan nina Pacquiao at Horn.

Mismong ang pinuno ng Queensland Govern-ment ang opisyal na nag-hayag ng bakbakan nina Pacquiao at Horn.

“After months of spe-culation, I am pleased to say we’re finally all in the ring for this fight to go ahead,” wika kahapon ni Queensland state Premier Annastacia Palaszczuk.

Inihayag kamakailan ni Arum ang pagpirma ng 38-anyos na si Pacquiao (59-6-2, 38 KOs) sa fight contract para labanan ang 29-anyos na si Horn (16-0-1, 11 KOs).

“Up to 55,000 boxing fans from across Austra-lia and the world are expected to fill Suncorp Stadium (in Brisbane) to see the local teacher ta-king on one of the biggest names in boxing history, on his home turf,” wika ni Palaszczuk.

Bago balikan si Horn ay nahikayat si Koncz na kausapin ang isang investment group sa United Arab Emirates na nanga-ko ng premyong $38 mil-yon kay 'Pacman' para harapin si dating British world light welterweight king Amir Khan (31-4-0, 19 KOs) sa Dubai.

Subalit nabigo ang UAE group na maipakita ang pera.

Kung tatalunin ni Pacquiao si Horn ay itatakda ang pakikipagharap niya kay Khan sa Oktubre o Nobyembre.