Ipagtatapat ba?
Dear Dr. Love,
Nalalapit na po ang pagpapakasal namin ni Raul pero hindi po ako mapakali dahil, hindi alam ng mga in-laws ko na may anak ako sa pagkadalaga at plano ni Raul na i-adopt ang sampung taon ko nang anak.
Lumaki sa aking mga magulang si Ronnie. Alam niyang ako ang tunay niyang ina, pero mommy at daddy ang tawag niya sa parents ko. Kilala rin niya ang biological father niya.
Aminado po ako na kasalanan ko ang alanganing pagbubuntis. Dahil matagal ko nang type ang ama ni Ronnie at ako ang gumawa ng paraan para may mamagitan sa amin.
Ikakasal na siya sa kanyang chilhood sweetheart nang magbuntis ako. Dahil hindi ko gustong makagulo sa pamilya niya, inako ko nang lahat ang responsibilidad sa bata.
Gusto ko po simulan ang buhay ko na walang itinatago. Pagpayuhan po ninyo ako kung dapat kung ipagtapat sa mga in-laws ko ang pagkakaroon ko ng anak.
Gumagalang,
Natalie
Dear Natalie,
Kung hindi naman hinihingi ng pagkakataon, naniniwala ako na hindi na dapat bigyan pa ng puwang ang mga bahagi ng ating buhay na nakalipas na. Higit na mahalaga ang kasalukuyan na dapat mong pagtuunan. Best wishes in advance!
DR. LOVE
- Latest