Luis at Angel nagdedmahan nu’ng kani-kanilang birthday?!
Marami ang nanghinayang sa mga tagasubaybay ng dating magkasintahang Luis Manzano at Angel Locsin na sa hiwalayang muli nauwi ang kanilang relasyon when everybody thought na ito’y sa altar magtatapos.
Magkasunod lamang ang kaarawan nina Luis at Angel. April 21 si Luis at April 23 naman si Angel.
I wonder kung nagbatian man lang ba ang ex-couple ng happy birthday sa isa’t isa?
Samantala, walang alinlangan na si Luis pa rin ang namamayagpag na game show host ng bansa. Kasisimula pa lamang ni Luis ng bago niyang game show, ang local franchise ng longest-running game show sa America, ang Family Feud.
Ang fans naman ni Angel ay patuloy pa ring umaasa na siya ang gumanap sa Filipino heroine na Darna sa kabila ng pag-back-out nito dahil sa kanyang spine problem.
Ang estranged sweethearts ay magkasama sa ongoing reality show na Pilipinas Got Talent kung saan si Luis ay host ng programa kasama si Billy Crawford habang si Angel naman ay isa sa apat ng hurado na kinabibilangan din nina G. Freddie Garcia, Robin Padilla, at Vice Ganda. Sa programa ay pareho silang nagpapakita ng professionalism.
John gustong maging hands on sa anak
Kumpleto na ang kaligayahan ng actor-dancer na si John Prats ngayong lumabas na ang first baby nila ng misis niyang si Isabel Oli na si Lilly Feather.
Hindi ikinakaila ng actor-dancer na kakaiba ang kanyang pakiramdam ngayong isa na siyang ganap na ama.
Mas inspired si John sa lahat ng kanyang ginagawa dahil alam niyang meron siyang pinaglalaanan ng kanyang pagsisikap.
Gusto rin ni John na pareho silang maging hands on parents ni Feather.
When not busy sa kanyang mga showbiz commitments, John makes it a point na nasa tabi siya ng kanyang mag-inang Isabel at Feather.
- Latest
