Warehouse ng plastic, nasunog
MANILA, Philippines — Aabot sa P.1 milyong halaga ng mga ari-arian ang napinsala matapos tupukin ng apoy ang isang warehouse ng mga plastic product, kamakalawa ng gabi sa Malabon City.
Ayon sa mga arson investigator ng Malabon City Bureau of Fire Protection (BFP), alas-10:00 kamakalawa ng gabi nang magsimula ang sunog sa isang warehouse ng isang plastic product sa Gabriel Subdivision, Brgy. Hulong Duhat.
Ayon kay Teddy Dela Cruz, barangay fire volunteers head, mabuti na lamang hindi kumalat ang apoy dahil nakatulong aniya ang firewall ng naturang warehouse.
Pagsapit ng alas-10:30 ng gabi ay idineklarang fire out ang sunog dahil na rin sa mabilis na pagresponde ng mga bumbero na umabot ito sa unang alarma.
Tinatayang aabot sa P100,000.00 halaga ng mga ari-arian ang napinsala.
Iniimbestigahan pa ng mga awtoridad ang sanhi ng sunog at wala namang napaulat na nasawi o nasugatan sa insidente.
- Latest
