Iniwan ng ka-live-in, kelot nagbigti
Kinilala ni Chief Insp. Lucio Simangan, ng Malabon City Police ang biktimang si Ronald Dalisay, 37, ng Gov. Pascual, Sitio 6, Brgy. Catmon ng nasabing lungsod. Philstar.com/File
MANILA, Philippines - Matapos hiwalayan at layasan ng live-in partner, nagawang magbigti ng isang lalaki kamakalawa ng gabi sa Malabon City.
Kinilala ni Chief Insp. Lucio Simangan, ng Malabon City Police ang biktimang si Ronald Dalisay, 37, ng Gov. Pascual, Sitio 6, Brgy. Catmon ng nasabing lungsod
Lumalabas sa salaysay ng saksing si Justine Fuentes kina Malabon City police homicide investigators P03 Alexander Dela Cruz at P02 Roldan Angeles, alas-7:30 ng gabi, pumunta siya sa bahay ng biktima upang dalhan ito ng kanyang hapunan.
Ngunit laking gulat na lamang ni Fuentes nang tumambad sa kanya ang biktima na nakaluhod sa semento habang nakabigti ng lubid na nakatali sa kanyang leeg habang ang dulo ay nakatali naman sa kisame.
Napag-alaman sa pagsisiyasat ng mga pulis na nilayasan si Dalisay ng kanyang ka-live-in isang buwan na ang nakalipas.
Patuloy naman ang imbestigasyon ng pulisya sa insidente.
- Latest
