Bangkay ng miyembro ng Dragon Boat Team lumutang na
MANILA, Philippines – Natagpuan na kahapon ang bangkay ng nalunod na miyembro ng Alab Dragon Boat Team na nawala habang ang 21 kasamahan ay nailigtas ng Philippine Coast Guard (PCG) nang tumaob at lumubog ang sinasakyang bangka sa Manila Bay, Malate, Maynila.
Namataan ang bangkay ng biktimang si Jerome Tipon, 26, residente ng AMC Building Nakar St., San Andres Bukid, Maynila.
Sa ulat ni SPO3 Milbert Balinggan ng Manila Police District-Homicide Section, bandang ala-1:20 ng madaling araw kahapon nang makita ng mga tauhan ng PCG-Cultural Center of the Philippines Detachment ang lumulutang na bangkay.
Nangyari ang insidente ng paglubog habang nagsasanay ang team ng biktima sa nabanggit na lugar.
Nagawa pa umanong makalangoy ng mga tauhan ng nasabing team papalapit sa pampang at hindi nakita si Tipon at tinulungan sila ng PCG.
- Latest
