Tomador grinipuhan ng kainuman

KIDAPAWAN CITY, North Cotabato , Philippines  —  Patay ang 32-anyos na lalaki matapos itong saksakin ng kanyang kainuman sa harap ng tindahan sa Brgy. Greenhills, bayan ng Pres. Roxas, North Cotabato, kamakalawa ng gabi. Kinilala ang biktima na si Glenn Orbita Saytas, 32-anyos at residente ng bayan ng Matalam habang tugis naman ng pulisya ang suspek na si Michael Castor ng Barangay Linao.

Batay sa police report, nag-iinuman ang biktima, suspek at dalawa pa nang humantong sa di pagkakaunawaan ang kanilang pag-uusap. Nagalit ang suspek makaraang di matanggap ang sinabi ng biktima laban sa kanya kaya  naganap na pananaksak.

Agad namang tumakas ang suspek matapos ang krimen sakay sa hauler truck.