Motorsiklo vs SUV: 61-anyos patay
LUCENA CITY , Philippines — Basag ang ulo at hindi na umabot pang buhay sa ospital ang isang 61-anyos na lolo makaraang bumangga ang kanyang minamanehong motorsiklo sa isang Isuzu Hilander sa Maharlika Highway, Brgy. Kanlurang Mayao kamakalawa. Sa ulat ni P/Supt. Reynaldo Maclang, chief of police dito, nakilala ang biktima na si Rolando Alivia, 61, may asawa ng Brgy. Talao-talao. Dakong alas-9:40 ng umaga habang patungo sa Lucena City Government Complex ang biktima sakay ng kanyang Rusi motorcycle nang hindi niya napansin ang kasalubong na Manila bound Isuzu Hilander (WEW-739 ) na minamaneho ni Erwin Regalario ng Taguig City. Hindi na nakaiwas ang Hilander at natumbok ang motorsiklo at una ang ulong tumilapon sa sementadong kalye ang lolong biktima.
- Latest