Mag-ama utas sa motorbike crash
LEGAZPI CITY, Albay, Philippines – Nagkalasug-lasog ang katawan ng mag-ama makaraang bumangga ang kanilang motorsiklo sa poste ng kuryente sa gilid ng Rolando Andaya Highway sa Barangay Agrupacion sa bayan ng Ragay, Camarines Sur kamakalawa ng umaga. Sa lakas ng pagkakabangga, patay agad ang rider na si Cilmar Alzona, 23, ng Barangay Cabinitan habang sinubukan pang isugod sa Ragay District Hospital ang kanyang tatay na si Domingo Alzona, 62, subalit hindi na umabot ng buhay. Base sa ulat ng pulisya na nakarating sa Camp Simeon Ola, mabilis na tinatahak ng mag-ama ang kahabaan ng highway nang mawalan ng kontrol sa manibela si Cilmar pagsapit sa palikong bahagi ng kalsada kaya sumalpok sa poste ng kuryente.
- Latest