Mag-ama arestado sa drug trade

CAVITE, Philippines – Rehas na bakal ang binagsakan ng mag-amang may negosyong droga makaraang masakote ng mga awtoridad sa inilatag na buy-bust operation sa Barangay Molino 3, Bacoor City, Cavite kamakalawa. Nakatakdang kasuhan ang mga suspek na sina Kasandra Sapanghila Martinez, 18, ng Barangay Paliparan 2, Dasmariñas City, Cavite at Jaime Martinez, 44, habang pianghahanap naman ang ina na si Shirley Sapanghila, mga nakatira sa nasabing barangay. Nasamsam sa mag-ama ang tatlong plastic sachets na shabu, P500 marked money at isang cal.38 revolver na sinasabing walang kaukulang papeles.