Taxi yupi sa trak: Pamangkin ng solon, todas
MANILA, Philippines – Halos nayupi na parang lata ang isang Grab taxi nang ito ay salpukin ng isang trak na ikinasawi ng isang 25-anyos na babae na pamangkin ng isang kongresista naganap kahapon ng madaling araw sa Nagtahan flyover, Sta. Mesa, Maynila kahapon ng madaling araw.
Namatay habang nilalapatan ng lunas sa Ospital Ng Maynila si Ivory Agarao Abaya, 25, casino surveillance, ng 3375 Unit 4/F Ibarra, Brgy. Palanan, Makati City, pamangkin ni Laguna 4th District congressman Benjamin Agarao, Jr. habang kritikal ang kaibigan nitong si Karen Graneta, 25, company nurse at on line casino dealer, ng No. 334 San Diego St., Sampaloc, Maynila at driver ng Grab taxi na Toyota Vios (conduction sticker YY 8918) na si Antonio Maraya, 44, ng Blk. 25, Lot 39 Gillian Hills, Llano Road, Caloocan City.
Batay sa ulat, bago nangyari ang sakuna dakong alas-12:00 ng madaling araw sa southbound lane ng Nagtahan flyover, Sta. Mesa ay galing ang dalawa sa Balic-Balic at patungo sa tinutuluyang condominium sa Makati City nang sumalpok ang isang trailer truck na minamaneho ni Edison Gonzales sa isang pang 14 wheeler truck na Isuzu cargo na may plakang CXI 841 na sumalpok sa likurang bahagi ng taxi na sinasakyan ng mga biktima na bumangga naman sa isa pang trak na nasa kanilang unahan.
Nabatid na mahigit isang oras na naipit sa loob ng taxi ang tatlong biktima bago tuluyang naialis ng mga rumespondeng rescuer.
- Latest
