Chiz suportado ng farmers group sa buong bansa
MANILA, Philippines – Naghayag ng suporta ang 15 milyong miyembro ng grupong magsasaka sa buong bansa para sa kandidatura ni Vice Presidential candidate Senator Francis “Chiz” Escudero.
Nakuha ni Escudero, ang runningmate ni Presidential candidate Sen. Grace Poe ang tiwala at suporta People’s Coalition for Progressive Philippines (PCPP), Confederation of Coconut Farmers Organization of the Philippines (CONFED) at Tri-Council Mindanao.
Ang PCPP ay isang koalisyon ng 146 socio-civic organization na mayroong 15 milyong miyembro sa buong bansa.
Lumagda sa isang manifesto si PCPP Chairman Manuel Barbara Jr., kasama ang mga miyembro ng kanilang board of trustees noong Martes na nagpapahayag ng kanilang buong pagsuporta kay Escudero upang maisulong ang kanilang kandidatura.
Ayon naman kay PCPP vice-president for legal Atty. Rogelio Bolivar na nagkaroon ng pagpupulong ang kanilang mga miyembro at napagkasunduan na susuporatahan ang kandidatura ni Escudero sa darating na Mayo 9.
Ikinatuwa rin ni Escudero ang nasabing pag-eendorso ng CONFED dahil ito ang pinakamalaking samahan ng mga magsasaka ng niyog sa bansa kung saan ang miyembro ay nasa 3.2 milyon na pinamumunuan ni Chairman Efren Villaseno.
Ang Tri-Mindanao naman ay isang samahan ng Muslim-Christian sa Southern Philippiines sa pamumuno ni Datu Mao Andong Jr., na siya rin pangulo ng Coconut Peasant’s Reform Alliance (COPRA) ay nagbigay din ng suporta kay Escudero.
- Latest