SEAG Federation tiwala sa hosting ng Pinas sa 2019
Kuala Lumpur – Malaki pa rin ang tiwala ng Southeast Asian Games Federation Council sa kakayahan ng Pilipinas sa pagdaraos ng pang-apat na hosting sa 30th SEA Games sa 2019.
Sa ginanap na SEAF Council meeting sa Opal Room ng Mandarin Hotel dito ay nagpahayag ng suporta si SEAF president at Olympic Council of Asia president HRM Yam Tunku Tan Sri Imran ukol sa hosting ng Pilipinas sa biennial meet.
“We are so happy that despite the glitches, and only two days before this meeting was to end, our friends in the Philippine Olympic Committee met with officials of their government to discuss and then confirm to us now their hosting of the 2019 SEA Games,” sabi ni Imran.
Ayon kay Imran, nag-alala ang ilang mga miyembro dahil sa nangyayaring gulo sa Marawi, ngunit nangako naman si Pangulong Rodrigo Duterte ng kaligtasan sa lahat ng mga atleta at mga opisyales na lalahok sa 2019 SEA Games.
“Marawi is very far from the proposed places and venue of the next SEA Games. And we are also assured that the incoming SEA Games Chairman, himself will receive the flags in the turnover ceremony as part of the commitment,” dagdag ni Imran.
Masaya ring binati si Philippine Olympic Committee president Jose Cojuangco, Jr. nina Imran, OCA Secretary General Dato Low Beng Choo at Badminton Association of Malaysia president Datuk Seri Mohammad Norza Zakaria matapos ng pulong.
“Noong umpisa kasi, tinatanong nila kami na what happen, ang sabi ko na lang ay we will make an announcement. Akala nila, hindi na tuloy but when they heard from the SEAGF president and from us, natuwa sila at nagpalakpakan tapos binati nila kami lahat,” ayon kay Cojuangco, nakasama sina POC First Vice-president Jose Romasanta, Treasurer Julian Camacho at auditor Jonne Go.
“In order to avoid traffic, it will be held in Central Luzon particularly in Bulacan, Pampanga and Zambales that are so close also to Subic and Clark,” dagdag pa ng POC chief.
- Latest