Music Panlaban sa Anxiety

Pagdating kung paano malalampasan ang anxiety, takot, at nerbiyos; ang music ang pinakamagandang tools na panlaban dito.

Kapag naka-plug na ang earphones at i-press play na ang mga paboritong kanta, saglit lang ay nabaling na ang nararamdamang negatibong bagay sa isip.  Kahit pa naiinis o nagagalit sa isipan ay na-distract agad ang emosyon sa napapakinggang music. Kumakalma ang pakiramdam hanggang maging chill at napapaindak na sa upbeat at groovy ng naririnig na music. Napapasabay ka na sa pagkanta at hindi maiwasan ang mapasayaw.

Nirerekomenda ng mga psychiarist na magkaroon ng iba’t ibang playlists lalo na sa mga mahirap na sitwasyon. Pero huwag magpapatugtog ng mga emo na kanta sa mga panahon na down ka na nga. Kundi basagin ang moment ng pagkadismaya, lungkot, o pagkabagot. Mag-store ng mga paboritong songs na uplifting at masaya na puwedeng sabayan. Para ibuhos ang iyong mga hugot na emosyon na ibaling sa mga kanta. Kaya tuwing weekends maraming tao ang nagbi-videoke hindi lang para iparinig ang maganda nilang boses, kundi para ilabas ang tension mula sa nakalipas na linggo. Hindi kailangang pangbirit ang boses, sapat nang i-express ang sarili, pagod, at pressure mula sa trabaho at pagkapraning na nararamdaman. Ang makinig o sabayan ang kantang trip ay malaking tulong para ma-overcome ang anomang anxiety at negative sa isipan.