Lihok ni Pacquiao mabasa ni Khan
CEBU, Philippines - Nangangkon si kanhi British boxing champion Amir Khan nga nasuhito na siya sa lihok sa kanhi niya sparmate nga si Manny Pacquiao nga iyang ikasangka sa Abril 23 alang sa WBO welterweight championship.
Matud ni Khan nga mabasa niya ang matag lihok ni Pacquiao tungod kay dugay sila nga nahimong sparring partner ubos sa giya ni Freddie Roach.
Ang duha dugay na nga nahimong sparmate ug si Khan usa sa mga nakatabang sa pagpangandam ni Pacquiao sa sangka niini batok ni Shane Mosley niadtong tuig 2011.
Si Khan mibutyag nga tulo ka nasud ang gipilian alang sa ilang sangka ni Pacquiao nga naglakip sa US, UK ug Dubai, apan andam siya bisan asa sila magsinukliay og kumo.
Si Khan adunay rekord nga 31-4, 19KOs, samtang si Pacquiao nagbitbit og 59-6, 38KOs. (BANAT NEWS)
- Latest
