Phl Azkals may misyon sa Malaysia
MANILA, Philippines - Pipilitin ng Philippine Azkals na magawa ang hindi pa nangyayari sa nakaraang dalawang dekada.
Ito ay ang talunin ang Malaysia sa isang international football match.
“We know that the last time the Philippines won against Malaysia was in 1991 and that’s a very long time ago,” sabi ni Azkals coach Thomas Dooley sa nakatakda nilang international friendly match ngayong alas-7:30 ng gabi sa Rizal Memorial Stadium.
Hangad ng mga Pinoy booters na muling maranasan ang eksperyensa noong 1991 Southeast Asian Games sa Rizal Memorial Stadium kung saan nagsalpak ng goal si Norman Fegidero sa ika-83 minuto para akayin ang pre-Azkals Phl sa 1-0 upset sa Malaysia.
Matapos ito ay natalo ang mga Pinoy sa sumunod nilang tatlong paghaharap ng mga Malaysians at apat na draw sa mga friendlies.
Pinaghahandaan ng Azkals ang pagsabak sa darating na AFC Asian Cup Qualifiers sa susunod na linggo.
Lalabanan ng Azkals ang Nepal sa Marso 28 sa Rizal Melorial Stadum.
“We’re preparing for them (Harimau) like it’s the most important game. We’d like to win every game obviously, that’s why it’s exciting. We have our (ACQ) game against Nepal next and the best training exercise for that is this game (against Malaysia),” ani pa ni Dooley.
Determinado rin ang Malaysia na manalo laban sa Azkals.
- Latest
