In Demand na Nanay

Dear Vanezza,

Seventeen years old na ako at feeling pressure ako kay mama na hindi lang sa aking pag-aaral, kundi kung anong dapat kong isuot, kakasamahing kaibigan, at pagsisimba. Gusto niya puro na lang aral kahit two weeks na lang ay tapos na ang klase namin. Gusto niya ay hindi ma-late sa church, samantalang lahat ng kaibigan ko nag-i-enjoy sa paglalaro ng basketball. Lagi na lang nagde-demand si mama, hindi ako makadiskarte ng sa­rili ko dahil naiinis siya o nadidismaya sa akin. – Bruce

Dear Bruce,

Puwedeng magbago ang style at pag-iisip ang mama mo sa iyo, kung sasabihin mo ang inyong nararamdaman sa kanya. Ganyan lang ang nanay dahil ayaw ka niyang mapariwara o magkaroon ng masamang barkada. Mas maganda kung ipapakilala mo ang mga kaibigan, para makilala niya at hindi mag-alala ang iyong mama.

Sumasainyo,

Vanezza