Castro nasubo sa gidangatan sa KaTropa

CEBU, Philippines - Wa’y nabuhat si PBA star   Jayson Castro kun dili ang pagtan-aw samtang gikastigo sa San Miguel Beermen ang iyang koponan nga TNT KaTropa.

Nahanaw ang paglaum sa TNT nga  makabalik sa PBA finals human sila gipukan sa San Miguel, 83-96 sa “do-or-die” Game-7 niadtong Lunes didto sa Mall of Asia Arena.

Si Castro wala makaduwa sa Game-7 human makaangkon og seryosong  injury sa iyang paa nga mipugos kaniya paglingkod sa bench.

Si Castro nga maoy sinaligang tirador sa TNT naguol  kay   posible pa unta nga sila ang mosulod sa finals kun wala lang siya ma-injured.

Sakit ang maong panghitabo sa TNT tungod kay sila ang naglabaw sa serye,  3-2.

Isipon nila nga usa ka dakung leksiyon ang ilang nasinati sa All-Filipino Cup. (BANAT NEWS)