Ang doktor nga may brain tumor (3)

Mga lista kini ni Dr. Screiber sa mga pagkaong mga ‘cancer fighter’ o ‘anti-cancer foods’, nga gituhoan niyang nakatabang sa pagkontrolar sa iyang sakit sa ‘brain cancer ug tumor’ nga hangtud karon gilugwayan pa siyang mabuhi. Ania pa ang mga dugang listahan niya sa pagkaong mga ‘cancer fighter foods’;

* Turmeric -  matang sa luy-a’ng dulaw, ang kolor ini may pagka-‘orange’. Giisip ni karon nga labing maayong tinubdan sa natural ‘anti-inflammatory’ (curcumin), nga epektibo sa pagpakgang o puohon ang mga selyulang kanser ug tumor. Makatabang sab ni sa pag-epekto sa ‘chemotherapy’. Base sa mga pagtuon, mas makaayo sab kun ang pinulbos nga dulaw (turmeric), ang ½ sa kutsarita ini (1ka kutsara kun may kanser na), pahilison sa ‘olive oil’ nga butanga’g ‘black pepper’(paminta). Dayon isagol kini sa imong pagkaon.

* Mga ‘cruciferous’ nga utanon – sama sa brussels, cauliflower, cabbage, broccoli, ug uban pa – pulos nagbaton og ‘sulforaphane’ ug ‘indol-3 carbinol’ (I3Cs) nga pangonta sa mga kanser. Idetoks niini ang mga ‘carcenogins’ sa lawas aron dili makasikad sa pagtubo ang tumor. Kun kaonon ni, paalisngawan lang (steamed) ning mga utanona nga butanga’g diyotay nga ‘olive oil’. Dili lapwaan kay  mawagtang ang ‘cancer fighting compound’.

* Mga lamas – sama sa ahos, sibuyas bombay, ug uban pa, nga nagbato’g ‘sulfur’, maoy mosanta o mopatay sa mga kanser sa colon, suso, baga,ug uban pa. Kadtong hingaon og ahos, momenus ang risgo sa kidney. Pwede kaonon ang tinadtad sa pipila ka lusok ining sagola’g diyotay ‘olive oil’ aron mo-epekto dayon. Mas maayo sab ni isalad o ipalaman. Pwede sab isagol ni sa mga pagkaon nga piniksan sa pinulbos nga dulaw (turmeric) ug ‘black pepper’.