22 ‘tulak’ ng droga, timbog
MANILA, Philippines — Swak sa selda ang nasa 22 na ‘tulak’ umano ng mga iligal na droga, makaraang ikasa na mga otoridad ang magkakahiwalay na drug-bust operation sa Central Luzon nitong Biyernes.
Sa ulat ni Police Regional Office (PRO) 3 Director P/Chief Supt.Amador Corpus, kabilang sa mga nasakote ay siyam na drug pushers sa Bulacan na sina Rogelio Nacional alyas ‘Bonggi’; Renato Jimenez, Alberto Valdez; Abubacar Macabidar; pawang ng Brgy. Gumaoc West, San Jose del Monte City; Rufino Caganda ng Pandi, Bulacan; Abigail Francisco alyas ‘Abby’ ng Obando, Bulacan; Nasib Patumanong, Melody Garcia at Leonard Jaranilla, pawang ng Baliwag, Bulacan.
Ayon kay Corpus, pito namang drug pushers ang nasakote sa lalawigan ng Pampanga; lima sa Nueva Ecija at isa sa Subic, Zambales.
Nasamsam mula sa mga suspek ang ilang sachet ng shabu at mga drug paraphernalia.
Nahaharap ngayon sa kasong kriminal ang mga nasakoteng suspek.
- Latest