Integrated Terminal Exchange, sisimulan nang itayo sa Taguig
MANILA, Philippines — Inaasahang sa taong 2020 ay posibleng maramdaman ang pagluwag ng EDSA at sa iba pang pangunahing lansangan ng Metro Manila dahil sa hindi na makikita rito ang nasa 4,000 provincial buses na biyaheng katimugan dahil uumpisahan nang gawin ang modernong terminal o ang Integrated Terminal Exchange (ITX) sa lungsod ng Taguig.
Kahapon ay isinagawa ang ceremonial groundbreaking para sa P5-billion terminal, na pinangunahan ni Department of Transportation Secretary Arthur Tugade at pamahalaang lungsod ng Taguig.
Nabatid na sa kalagitnaan ng taon 2018 ay sisimulan na ang konstruksiyon para sa anim palapag na gusali ng ITX at ang Ayala Land Inc .ang siyang magtatayo nito.
Kung saan magiging centralized ang ticketing area nito at dito na rin makikita ang ilang business at retail establishments.
Ang naturang modernong terminal ay itatayo sa loob ng 5.6 ektarya ng Food Terminal Inc. (FTI) compound, sa Taguig City, na makaka- accommodate ng nasa 160,000 bilang ng pasahero na manggagaling at papuntang South Luzon, Bicol, Visayas at Mindanao.
Kokonekta ito sa Philippine National Railways’ FTI station at sa Metro Manila Subway System para sa kombinyente ng mga mananakay.
Sabi ni Taguig City Mayor Lani Cayetano, nabatid na ang naturang terminal ay hindi aniya magiging congestion sa kanilang lungsod dahil magiging konektado ito sa Skyway na maglalagay ng on and off ramp.
Inaasahan ng gobyerno, na kapag naitayo na ang naturang terminal, ang nasabing mga provincial buses, na nagmumula sa katimugan ay hindi na makikita sa EDSA at sa ilan pang pangunahing lansangan na kahit papaano aniya ay luluwag na ang Metro Manila sa trapik.
- Latest