Economic sabotage isasampa vs Faeldon
MANILA, Philippines — Sasampahan ni Sen. Panfilo Lacson ng kasong economic sabotage at rice smuggling si former Customs Commissioner Nicanor Faeldon sa linggong ito.
Sinabi ni Sen. Lacson sa radio dzBB, nilabag ni Faeldon ang Republic Act No. 3019 o Anti-Graft and Corrupt Practices Act at Republic Act No. 10845 o Anti-Agricultural Smuggling Act of 2016.
“Siya ang commissioner, siya lang pwede mag-utos na i-release yung smuggled rice… ipa-file sa kanya RA 3019 meaning Anti-Graft and Corrupt Practices Act yung violation, at tsaka yung economic sabotage doon sa RA 10845 na Anti-Agricultural Smuggling Act of 2016,” giit pa ni Sen. Lacson.
Malaki ang paniniwala ni Lacson na si Faeldon ang magiging kauna-unahang mapaparusahan sa ilalim ng RA 10845.
Aniya, mayroon siyang sapat na hawak na ebidensiya at dokumento kabilang ang mga sworn affidavits upang patunayan ang paratang niya laban kay Faeldon.
- Latest
