P7 M nakolekta ng Leni supporters
MANILA, Philippines - Nasa P7 milyon na ang nakolekta ng grupong nasa likod ng “Piso Para sa Laban ni Leni” simula nang ilunsad ang kampanya may pitong linggo na ang nakakalipas upang tulungan si Vice Pres. Leni Robredo sa gastusin nito sa election protest na isinampa ng kanyang tinalo noong nakaraang vice presidential election na si dating Senador Bongbong Marcos.?
Ayon ito sa mga supporters ni Robredo dahil patuloy umano ang dating ng suporta kay VP Leni kahit pa ibinasura ng Presidential Electoral Tribunal (PET) ang kanilang petisyon na ibabayad ang malilikom na ?halaga. ?Nasa 400,000 na lang ang kulang at mabubuo na ang P7.4 million na ipinadedeposito ng PET dahil sa kanyang counter-protest kontra kay Marcos.
Wala namang nasabi ang grupo kung nakapaghain na sila ng motion for reconsideration (MR) sa desisyon ng PET na huwag tanggapin ang kanilang malilikom na halaga para mabayaran ni Robredo ang kulang na deposito.
- Latest