Passenger insurance claims hiniling na taasan
MANILA, Philippines - Napapanahon nang maitaas ang halaga ng insurance coverage para sa mga pampasaherong sasakyan sa buong bansa upang umakma sa kasalukuyang estado ng pamumuhay sa bansa tulad ng mataas na mga bayarin sa serbisyo sa mga pagamutan, gamot at pangunahing bilihin.
Ito ayon kay Atty Ariel Inton, founding President ng Lawyers for Commuters Safety and Protection ay dahil hindi na umano akma ang kasalukuyang insurance claims and benefits na nailalaan na seguro sa mga nabibiktima ng aksidente sa mga lansangan.
Sa ngayon, umaabot lamang sa P200,000 ang nakukuhang death claims sa insurance ng bawat nasawi sa alinmang vehicular accident at P20,000 lamang ang claims sa mga nasusugatan sa aksidente sa lansangan.
Hiniling din ni Inton na busisiin ng pamahalaan ang pagkakaroon ng “auto passenger insurance” ng mga colorum na TNVS na Uber at Grab car gayong mga private cars ang mga ito na namamasada nang walang provisional authority.
Iginiit din ni Inton sa Department of Transportation na pag-aralan ang maximum seating capacity ng mga pampasaherong sasakyan upang higit na mapangalagaan ang buhay ng mga pasahero nito.
- Latest