3 pinatay sa pinyahan
NORTH COTABATO, Philippines – Tatlo-katao ang napatay sa naganap na pamamaril sa plantasyon ng pinya sa Sitio Toledo, Barangay Tubi-Ala sa bayan ng Surallah, South Cotabato, ayon sa ulat kahapon. Kinilala ang mga napatay na sina Renato Bentibano Bucane, 21; Jake Romualdo Bendecio, 30, kapwa kawani ng Dole Philippines; at si Ronel Abordo, magsasaka, ng Mlang, North Cotabato. Sa ulat ng Surallah PNP, nag-iinuman sina Bucane at Bendecio sa bahay ng kanilang lolo nang lapitan at ratratin ni Abordo saka tumakas. Gayunman, hinabol naman ng dalawang kamag-anak ng mga biktima si Abordo at nang makorner ay pinagsasaksak at binaril sa ulo hanggang sa mapatay. Narekober kay Abordo ang cal. 38 revolver at mga bala.
- Latest






















