Romeo, Castro nagpanikad na sa training

CEBU, Philippines - Daku og posibilidad nga makasalmot na sa Gilas Pilipinas practice ang duha ka  point guard nga sila si Terrence Romeo ug Jayson Castro unya sa Lunes.

Kini gumikan kay si Romeo nakagawas na sa tambalanan niadtong Sabado tungod sa grabeng hilanat ug matud pa niya    nga nagpanikad na siya nga moapil sa team practice ni Gilas coach Chot Reyes.

Sa iyang bahin, ang team captain sa Gilas ug giilang “Best point guard in Asia” nga si Castro miingon nga hinay-hinay na nga milig-on iyang tiil human ma-injured ug posible nga mohimo siya og light training sa Lunes.

Sa laing bahin, wala pa’y kalamboan kabahin sa estado ni naturalized player ug ex-NBA cager Andray Blatche kun moduwa ba kini sa Gilas sa SEABA. (BANAT NEWS)