Natawo sa tuig sa dragon

Natawo ko sa June 18, 1976. Unsa ang akong CHI? Ang akong uyab natawo sa tuig sa bitin. -- 0916-5753xxx

TUBAG: Natawo ka sa tuig sa dragon. Sumala sa Chinese feng shui, dili perfect match alang kanimo ang imong uyab nga natawo sa tuig sa bitin. Maoy compatible kaayo alang kanimo ang opposite sex nga natawo sa tuig sa ilaga, sunoy ug unggoy. Hinuon may kahigayonan gihapon nga molungtad ang inyong relasyon sa imong uyab kun tinuod nga nahigugma kamo sa usa’g-usa. Apan dili gayod ako mosugyot nga siya na ang imong minyoan aron dili ka makabasol kanako.

* * *

Dear Kuya Uriel,

Good day. I just want to know my CHI. I was born on September 14, 1960. My wife was born on May 16, 1974. Thanks and more power. -- 0916-3670512

TUBAG: Nahimugso ka sa petsa kanus-a ang elementong kalayo maoy essence of the day. Natawo ka sa tuig sa ilaga. Sumala sa feng shui, ang adlaw nga imong natawhan usa ka "active day that will suit everyone with important issues on their agenda, today favors matters of significance." Usa ka romantikong kinabuhi ang gipasalig sa imong positive CHI. Mopatigbabaw ang kalipay sa katibuk-an sa imong kinabuhi.

Ang imong asawa nahimugso sa petsa nga ang elementong kalayo maoy essence of the day. Managsamang koresponsal nga elemento ang petsa nga inyong natawhan.Kusog ang buylo sa iyang positive CHI. Bukas alang kaniya ang daghang kahigayonan sa pag-asenso. Daku'g purohan nga makabaton og katumanan ang iyang mga pangandoy. Natawo siya sa tuig sa tigre.

Wala mag-ingon ang feng shui nga dili kamo compatible. Hinuon, dili gayod kamo perfect match. Lisod alang kaninyo ang pagbugtaw sa tingusbawan.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.