5 nagsawo sa liderato sa CEPCA non-masters tourney
Nakipag-agawan sa rebounds sina Kobe Paras (23) at Fil-German Christian Standhardinger (34) ng Gilas sa Taiwanese player sa kanilang laban ng Taipei Blue nitong Lunes. Larawan mula sa CTBA
CEBU, Philippines - Lima ka players ang nagsawo sa temporaryong liderato human sa tulo ka hugna nga aksiyon sa Cebu Executives and Professionals Chess Association (CEPCA) Non-Masters Tournament diha sa Knight Attack Chess Cafe sa Robinsons Galleria Cebu.
Kini sila si Richard Gohetia Sr., Rigel Amacna, Johnny Carzano, Chistian Pondoyo ug Lumbab Armecito nga pulos dunay 3.0 puntos.
Labing uwahing biktima ni Gohetia mao si Vicmil Pepito samtang sila si while Amacna ug Carzano mibihag nilang kanhi two-time CEPCA President Manny Manzanares ug Aaron Resma.
Si Pondoyo mibuntog ni Alex Bayubay samtang si Armecito mipatigbabaw batok sa Amerikanong si Michael Lamb, ang labing unang langyaw nga magduduwa nga misalmot sa usa ka torneyo sa CEPCA.
Seguradong sikit nga kumbati ang mahitabo alang sa titulo gumikan kay siyam ka players ang wala pa say pilde bitbit ang 2.5 puntos.Kini mao sila si Franklin Caylan, Joe Atillo, Zilberstein Torres, Jessie Supangan, Marc Alunan, William Valle, Justine Misa, Alberto Rivera ug Richard Ouano.
Ang CEPCA ubos sa liderato ni Engr. Jerry Maratas modalit og P3,000 sa makampiyon ug P2,000, P1,000, P700 ug P500 ngadto sa mopahiluna sa ikaduha hangtud sa ikalimang dapit. Ang 6th to 10th dunay konsolasyon nga P300 matag usa. (BANAT NEWS)
- Latest
