Lisud nga misyon ang sagubangon sa University of the Visayas (UV)
CEBU, Philippines - University of Southern Philippines Foundation (USPF) Panthers sa ilang pagsalmot sa Mayor Kim Lope A.
Asis Invitational Basketball Tournament 2017 nga gikatakda karong Hunyo 26-30 didto sa Lope Asis Memorial Gymnasium sa Bayugan City, Agusan del Sur.
Ang Lancers ug ang Panthers makigtige batok sa higanteng mga koponan gikan sa Manila ug Mindanao ning labing dako nga inter-collegiate basketball event sa habagatang bahin sa nasud.
Nagbarog sa dalan sa UV ug USPF ngadto sa kampiyonato mao ang University of Sto. Tomas (UST) Growling Tigers ug ang Emilio Aguinaldo College (EAC) Generals. Ang Crusaders sa Xavier University-Ateneo de Cagayan maoy nagkumpleto sa lima ka koponan nga magkumbati sa torneyo nga migahin og P575,000 nga ganti alang sa mga mananaog.
Moduwa sila ubos sa single round robin format diin ang top 2 qualifiers magsangka dayon sa tinaktakay nga kampiyonato.
Gawas sa mga tropeyo, ang makampiyon mobulsa og P200,000, samtang ang mopahiluna sa ikaduhang dapit mobira og P150,000. Ang malandig sa ikatulo hangtod sa ikalimang puwesto makadawat og P100,000, P75,000 ug P50,000.
Ang lima ka adlaw nga aksiyon kabahin sa selebrasyon sa 10th Charter Day and Bayug Festival sa Bayugan. (BANAT NEWS)
- Latest