Sorongon, Chepseror nidominar sa Centcom Run
CEBU, Philippines - Ang ultra racer nga si Ruffa Sorongon ug Kenyan nga si Eric Chepseror maoy nanghawod sa labing unang Centcom Colorful Night Party Run niadtong Biyernes sa gabii didto sa Camp Lapu-Lapu sa Barangay Apas, dakbayan sa Sugbo.
Si Sorongon maoy gikoronahang hara sa women’s 10-kilometer run human mirehistro sa labing paspas nga oras nga 44 minutos ug 38 segundos. Nagsunod kaniya si Lovely Adrin sa oras nga 45:38, samtang si Geneda Arcuino mipahiluna sa ikatulong dapit sa oras nga 46:53.
Sa men’s division, si Chepseror maoy naghari sa oras nga 33:42. Iyang gilupig ang kababayan ra sab niyang si Joseph Mururi nga dunay oras nga 34:43, samtang ang Sugbuanong si Michael Largo nalandig sa ikatulong puwesto sa oras nga 38:48.
Sa 5K, sila si Arnel Florentino (17.11) ug Ariel Saballa (17.12) maoy miangkon sa nag-unang duha ka puwesto sa men’s division, samtang sila si Cherry Andrin (21.09) ug Geniecel Saballa (22.06) maoy mipatigbabaw sa women's category. (BANAT NEWS)
- Latest