As-Es Sportswear midaog na sab

CEBU, Philippines – Mipabuhagay og 34 puntos si Randyl Roncal alang sa As-Es Sportswear nga milumpag sa White Castle, 114-101 sa As-Es B.A.R. 2nd Conference Fiesta Cup 2015 basketball tournament niadtong Agosto 17 didto sa Benjamin Solon Memorial Gym sa Cogon Ramos, Cebu City.

Laing upat niya ka teammates ang mihimo sab og double figures nga naglakip nilang Arnel Aragon sa iyang 14 puntos, Rep Martinez nga adunay 12  puntos ug Joseph Du ug Cocoy Astudillo sa ilang 10 puntos matag usa.

Gibiyaan og dos puntos ang As-Es sa first period, 22-24, apan mi-rally sa ikaduhang kuwarter aron mailog ang labaw, 49-48 sa halftime. Namintinar sa As-Es ang  momentum  sa mosunod nga mga kuwarter  aron molansang og  daog.

Ang White Castle gipangulohan ni Earl John Reyes pinaagi sa iyang 18 puntos, gisundan ni Rey Tomaquin nga adunay 17 puntos. Si  Rey Llanos miamot og 12 puntos, samtang si  Jon Llenes mitampo’g 10 puntos alang sa White Castle nga wala na makabarog human makuha sa As-Es ang labaw.

Sa pasiunang duwa, ang San Mig Food Avenue mikulit na sab og daog, ning higayona batok sa FTB (Fredelusis), 71-67.

Gipangulohan ni Hubart Sanchez ang San Mig Food Avenue nga miratsada’g 13 puntos, gisundan ni Erick Gabutan sa iyang 12 puntos ug nilang Lovie Galon ug Tikwil Cabañero nga mikimada’g 10 puntos matag usa. Sila lang si Mama Ocampo ug Mark Fredelusis ang miiskor og double figures alang sa FTB sa ilang 14 ug 11 puntos.

Puntos Matag Usa

Unang duwa:

San Mig Food Ave. (71) – Sanchez 13, Gabutan 12, Galon 10, Cabañero 10, Molina 9, Torres 5, Cabrera 3, Cababahay 2, Regidor 2, Luther 2, Arellano, Stella 1.

FTB  (67) – Ocampo 14, Fredelusis 11, Miñoza 9, Sabal 5, Rodriguez 5, Tañajura 5, Raboy 4, Bernal 3, Villaber 2, Abrio 2, Melencion 2, Secuya 2.

Ikaduhang duwa:

As-Es Sportswear (114) – Roncal 34, Aragon 14, Martinez 12, Du 10, Astudillo 10, Sico 8, Magsayo 6, Pamisa 6, Estenzo 4, Coyoca 4, Pantolinao 2, Endab 2, Sebrero 2.

White Castle (101) – Reyes 18, Tomaquin 17, Llanos 12, J. Llenes 10,  Llenes 9, Resohinto 9, Emnace 6, Rojas 6, Cartagena 5, Rosaroso 5, Compra 4. (BANAT NEWS)