Blatche moabot sa ‘Pinas karong semana

CEBU, Philippines – Moabot na karong semanaha ang kanhi NBA veteran ug naturalized player nga si Andray Blatche aron moapil sa training camp sa Gilas Pilipinas   alang sa 2015 FIBA Asia championship sa Septiyembre didto sa China.

Si Baldwin miingon nga ang pag-abot ni Blatche makapadaku sa kompiyansa sa national team nga nakasugat og problema tungod kay posibleng dili makaduwa ang PBA stars nga sila si Marc Pingris, Marcio Lassiter ug two-time MVP Junemar Fajardo.

Si Fajardo  mipadayag nga motabang sa koponan, apan dili pa siya kasiguro kun makaduwa ba tungod sa padayong pagsakit sa injury sa iyang tiil.

Ang FIBA Asia Championship maoy pasaporte sa Gilas aron makaduwa og balik ang Pilipinas sa Olympics didto sa Brazil sa tuig 2016.

Sa iyang pagduwa sa national team atol sa FIBA World Cup, ang 6-foot-11 nga si Blatche mi-average og 21.2 points ug 13.8 rebounds.

Nahimo sab siyang bangis nga import sa Chinese Basketball Association diin mihimo siya og 31.3 points ug 14.6 rebounds average. (BANAT NEWS)