Alaska seguro na sa semis
CEBU, Philippines - Mi-rally ang Alaska Aces sa second half nga maoy ilang gihimong hinagiban aron masakmit ang krusyal nga daog batok sa NLEX Road Warriors, 90-84 nga mihatag kanila og automatic slot sa semis sa PBA Philippine Cup didto sa Smart Araneta Coliseum.
Sayong nakontrolar sa Alaska ang duwa dihang nanulod ang ilang opensa sa pag-pangulo nilang Dondon Hontiveros ug Cyrus Baguio, 21-9.
Apan ang NLEX wala magpabiya ug nailog nila ang momentum sa second half dihang nagtinabangay ang duha nila ka beteranong magduduwa nga sila si Asi Taulava ug Mac Cardona aron hatagan ang Road Warriors og 64-57 nga bentaha sulod sa siyete minutos sa third period.
Wala hinuon naluya ang Alaska ug hinay-hinay silang miapas ug natabla ang iskor 82-all sa katapusang 1:30 sa duwa human sa floater ni JV Casio.
Human sa time-out, imbes maka-iskor, nabuhian na hinuon sa NLEX ang bola nga mihatag og kahigayonan ni Sonny Thoss nga kuhaon ang labaw, 84-82 sa katapusang 40 segundos.
Ang duha ka free-throw ni Calvin Abueva maoy mikandado sa daog alang sa Aces, 86-82.
- Latest