Sekretong paus-os sa bloodsugar (1)

Ang sagad sa gi-diabetes na o sa diabetic pa, mao ni karon ang komon nga problema nga nakaapektar sa daghang mga tawo sa kalibutan, ilabi na niadtong dili gayud makakontrol, nga bisa’g unsa nala’y isulod nga pagkaon sa ginhawaan. Kay ang ilang estilo sa pagpakabuhi, wa mosibo sa lagda nga mohimsog ang lawas.

Kadaghanan sa sintomas ining sakita, mao ang pagpunay og pangihi, uhawon permi, kalit nga paghugo sa lawas, dugay maalim ang samad, kahanap sa panan-aw ug kanunay magluya o daling kapuyon.

Unya kon mograbe na kini, mokomplikar ngadto sa kidney ug sa kasingkasing. Kini gumikan sa labihan nga kataas sa lebel sa ‘bloodsugar’. Magkat-on kita’g mga natural nga paagi sa pagpaus-os niini. Ang una gyung buhaton nato, mao ang pagbalanse sa pagkaon. Dili magpabusog, ginagmay lang basta masustansiyado.

Kay di lagi kapugong, aw motaas gyud ang ‘bloodsugar’ mo. Tungod ini, tinguhaon nato nga mahibalo kita sa daghang natural nga remedyo ini.

Hinuon ang mga eksperto, padayon pa sa pagdiskubre, nga samtang wa pa maabot sa komplikasyon, ato kanunay mamonitor ang duol sa normal nga lebel sa atong ‘bloodsugar’.

Sa pagkakaron, adunay gikonsiderar nga sekretong natural nga paus-os ini, diin nagkahiusa ang mga ‘researchers’ ug nutrisyonista sa tibuok kalibutan, nga kini epektibo. Busa, maayong sulayan nato, ang sama sa mosunod.

* Ang usa ka itlog nga giluto (way mantika) lang sa pinabukal nga tubig, mao’y epektibong hinagiban pagsanta batok sa ‘highblood sugar’. Magmatngon lang sa ubang kaonon mo. Ang imo rang buhaton ini, mao ang pangandam sa lutong itlog, nga dili ‘overcooked’ nga kon panitan, mamilit ang puti sa bagal ug ang uyok nga yellow mo-green. Apil sa andamon ang suka sa lubi o apple cider vinegar.