Mga benepisyo sa avocado (1)
Swerte kaayo kadtong nataran nga dunay mga punoan sa avocado kay ang mga bunga niini, nagbaton og daghang sustansiya. Hinoon, daghan niini nga nakadisple sa mga merkado ug sa grocery, o supermarket, kon gusto kita nga mokonsumo sa prutas nga avocado.
Giisip sa mga nutrisyonista ang avocado nga usa sa talagsaon nga prutas tungod kay kini puno ug dasok sa nutrens, halos dunay 20 ka klase sa bitamina ug minerales. Mao ra ni klase sa prutas nga makahatag og igo nga ‘monosaturated fat’, ang MCFAs kun medium chain fatty-acids.
Ang pagkaon sa bisan unsa nga prutas, ilabi na kon i-apil kanunay sa atong diyeta, ang avocado makatabang kini sa pagmenos sa risgo sa obis (subra katambok), diabetes, sakit sa kasingkasing, problema sa buhok ug uban pa. Makapahimsog sab kini sa panit ug padugang o pataas sa enerhiya.
Segun usab sa USDA National Nutrient Database, ang usa ka sirbe (1/4 sa 1 ka buok avocado, nga may 40 gramos) nagbaton og 64 ka kaloriya, hapit ma-6 gms sa ‘fat’, 3-4 gms sa ‘carbohydrates’, menos sa asukar 1 gram lang, halos 3 gms sa ‘fiber’ ug 1 gram sa protina.
Tinubdan sab ni sa mga bitamina C,E,K ug B6, hasta ‘rifloflavin’, niacin, folate, panthotetic acid, magnesium ug potassium, luthein, b-carotene ug omega-3 fatty acids nga mopalangan sa carbo aron mahimo nga asukar.
Ania ang mga benepisyo nga makuha nato sa avocado;
* Makapahimsog sa kasingkasing – matud ni Patricia Groziak, usa ka dietician, MS, RD, ang avocado nagbaton og 2 mg kada onza sa natural nga ‘plant sterol’, nga ginganlan og ‘beta-silosterol’.
Ang kanunay pagkunsomo sa avocado, dako sab og matabang sa pagminten sa himsog nga lebel sa kolesterol sa lawas. Seguroa lang nga dili kanang lata na kaayo, kay kalagmitan dili na kini epektibo.
- Latest
