Pagkaong makadaut kun initon (1)

Ang pamilya nga inatiman, mosayo sa buntag mobangon ang inahan, hikayon ang pamahaw, aron ikadalit kini sa mga estudyante ug sakop nga nagtrabraho na. Kadtong dili makauli sa paniudto, padad-an nala'g bawon nga pagkaon. Unya ang mahibilin sa giluto sa pamahaw, ipanulod sa 'ref' aron kuno makaon pa's   paniudto ug sa panihapon. Ang diskarte niini aron dili bugnaw kaonon, sagad ila kini nga initon pagbalik.

Apan ang wala masayri sa kadaghanan, nga ang pagkaong naluto na, bisan kini kompleto pa's mga nutrens o puno sa sustansiya, kun atong initon pagbalik, makadaut na sa panglawas nato. Kay nawala na ang mga nutrens ug aduna nay kausaban sa kemikals nga nahimong toksik o makahilo. Hinuon dili man tanan apan angay kita magmatngon, sama sa pipilang mga paborito natong pagkaon.

* Celery (utanon) —paborito ning isagol sa mga pagkaon nato, nagbaton ni'g  plant compound o phytochemical nga nitrates,  nga mahimong nitrites, usa ka matang sa toksik nga makakanser o carcinogens.

* Mushrooms ( mga ohong ni ) —Bisa'g unsa klaseha kun maluto na, kaona dayon nianang higayona. Kun mabugnaw, ayaw na inita'g balik kay ang complex nutrients niini makadaut na's tiyan, motaas ang risgo sa heart attack.

* Chicken meat (karne sa manok) —Sama sa mga ohong  ang manok nagbaton og mas daghang protina kay sa redmeat (karneng baboy). Nga kun naluto na  ayaw na kini inita pagbalik kay ang mga nutrens nahimo nang carcinogens nga makakanser. Ilabi na'g lechon, prito o barbekyong manok, kun bugnaw na, ayaw na'g inita kay ang lana toksik na, mas dobleng makakanser.