Epektibong pagpulpog sa gallstones (2)
Kasumpay kini sa miaging isyu, nga matud pa ni Chiu Nan, usa ka tsinong 'researcher', base sa iyang nadiskubrehan sa mga pagtuon ug pagsulay, nga kuno tagsa-tagsa nato adunay mga bato sa pantog o 'gallstones'. Busa, may gisugyot siyang natural nga remedyong epektibo nga panglimpyo sa 'gallbladder' ug pangpulpog sa mga bato sa pantog o 'gallstones'.
Nga kini sab maayong tambal sa huyang o masakito'g atay, kay ang atay ug ang pantog (gallbladder) duol o sikit ra man ang ilang koneksyon sa pagtrabaho sa lawas. Busa ania ang pamaagi aron mapulpog ang mga bato o 'gallstones'.
* Sa unang 5 ka adlaw — Moinom ka permi og 4 ka baso kada adlaw sa 'raw apple juice' (dili ang tetrapak apple flavor juice). Pwede sab kun hain ang gusto mo, mokaon ka'g 4-5 ka presko'ng prutas sa 'green apple' (mansanas). Ang enzyme o duga ini sa mansanas, grabe'ng mopahumok sa 'gallstones', sud lang sa 5 ka adlaw nga way palta sigi'g kaon ini.
* Sa ika-6 nga adlaw —Ayaw kaon sa paniudto. Sa alas-6 sa hapon, moinom ka'g 1 ka kutsarita sa Epson Salt (Magnesium sulfate), nga ikutaw sa 1 ka baso tubig nga igong maagwantang kainit. Unya, sa alas-8 sa gabii, moinom ka na sab, sama sa giinom mo sa alas-6. Kini aron pag-abli na's agianan sa 'gallbladder', nga nabara tungod sa 'gallstones'. Unya igka-alas-10 na sab, moinom og ½ sa tasang 'olive oil' o 'sesame oil' nga butanga'g preskong 'lemon juice'. Ang lana o 'oil' ini, mopadangog kini'ng sayon na'ng igawas ang mga bato.
*Igkabuntag sa ika-7 nga adlaw —Sa imong pagkalibang, may makita kang daghang 'green' nga kolor nga namilit sa hugaw. Hinuon, daghan sab ang nanglutaw sa inidoro, mura'g dagkong bas, sumala sa obserbasyon ni Chiu Nan.
- Latest