Team Rama miendorsar na og puli ni Abella

CEBU, Philippines — Opisyal na nga gipahibawo sa Barug Team Rama nga si Renato “Junjun” Osmeña maoy ilang gi-endorso nga mohulip sa bakanteng posisyon human mi-resign  isip konsehal sa siyudad sa Sugbo si Atty. Nendell Hanz Abella.

Kahinumduman si Abella, mi-resign human nga gitudlo kini isip Commissioner sa National Labor Relation Commission (NLRC) 7th Division nga nagrepresentar sa mga mamumuo.

Kagahapon nagpahigayon og press conferene ang Barug Team Rama pinangulohan ni kanhi mayor Michael Rama ug kini miingon nga unanimous decision sa grupo nga ituboy si Junjun Osmeña sa posisyon.

Si kanhi vice president Jejomar Binay ingon man si Osmeña nipirma sa ‘certificate of nomination and acceptance’ alang sa endorsement ni Junjun ug iduso unya kini kang Presidente Rodrigo Duterte aron mapirmahan.

Nunot sa maong hitabo, ang Barug Team Rama miingon nga kini nagpasabot nga dili na matud pa mohimo og bisan unsa nga nominasyon si Binay ngadto sa Office of the President.

Kini human migawas ang report ang Bando Osmeña Pundok Kauswagan (BOPK) giingong migamit sa impluwensiya ni Senador Manny Pacquiao alang sa endorsement sa ilang kaalyado nga si Rengelle Pelayo.

Nunot niini, si Osmeña nga pag-umangkon ni Cebu City Mayor Tomas Osmeña ug midagan ubos sa Team Rama sa miaging piniliay nalandig sa ikasiyam nga pwesto miingon nga ‘proud ug honored’ kini nga siya gi-nominate.

Dihang gipangutana kini nga kun mahatagan siya og tsansa nga makalingkod ug makaserbisyo sa mga Sugbuanon duna kini daghang programa nga ipatuman aron pagtubag sa problema nga giatubang karon sa siyudad.

“We start with the major problem that concur karon, the traffic, peace and order, the basura.

That’s why we have be one, the council, the legislative, the executive body has to be as one and my main purpose for entering this party is if only I could bring unity and harmony to both sides, I am not going to play a devil’s advocate I would really love to see everyone work in harmony that is my dream if you are going to ask me,” asoy ni Osmeña.

Samtang si Cebu City Mayor Tomas Osmeña wala na sab mohatag og komento labot niini. (BANAT NEWS)