Tommy dili mahutdan
BIRADOR - Rene U. Borromeo (The Freeman) - May 31, 2016 - 12:00am

Kay sigurado man gyud nga armado ang mga druglords ug ang ilang mga bata-bata, mao nga pinusilay gyud ang mahitabo kon rondahon na sa kapolisan ang ilang tagoanan.

Mao kini ang nahitabo didto sa Banacon Island nga sakop sa lungsod sa Getafe, Bohol kaniadtong Sabado sa kaadlawon ug napatay sa mga polis ang tulo ka giingong drug pushers.

Klaro gyud nga malupig sa pinusilay ang mga druglords ug ang ilang mga bata-bata kay gawas nga dili sila bansay sa gubat, lupig pa gyud sila sa gidaghanon.

Asa man magpabentaha ang kapolisan kon mohimo sila og pagpangronda, ilabi na kon masuta nila nga armado ang subject sa ilang operation, sama niadtong nag-angga og “Yawa.”

Tambag nako sa mga druglords ug sa ilang mga bata-bata nga ayaw na lang gyud mo’g sukol og pinusilay kon masakpan na mo kay sigurado nga malupig mo sa mga polis. Dinhi sa dakbayan sa Sugbo, agresibo kaayo ang kapolisan karon nga mohimo’g operation kay nasayod man sila nga anaa sa ilang likod ang mayor.

Nasayod ang kapolisan nga dili motalikod kanila si Mayor-elect Tomas R. Osmeña sa ilang panginahanglan. Gani, ang mayor mitanyag pa nga mohatag og P50,000 nga premyo kon makapatay sila og drug personality.

Bisan og nasamdan lang, premyohan ‘sab ni Tommy, apan P5,000 ra hinuon. Sigurado ko nga wala magmahay kadtong mibotar ni Tommy sa miaging eleksyon kay karon pa lang gani, nakita na nila nga paspas na ang kapolisan paghimo’g operation batok sa drugas.

Matud ni Tommy nga andam siyang mamaligya og butang para imprempyo sa makapatay ug mga badlungon sa katilingban.

* * *

Alang sa mga hilig kaayo mosakay og motorsiklo, ilabi na ang mga bikers nga kusog kaayo mopadagan, may naimbento na nga modernong protective gear nga mopugong aron dili mabali-balian og kabukogan ang kalawasan sa riders kon maaksidente.

Ang akong higala nga si Reagan King mipakita kanako sa iyang nindot kaayong air-bag safety jacket nga kon imong isul-ob, dili ka gayud makaila nga usa diay kini ka protective gear. Naibog kaayo ko nga nagtan-aw sa maong jacket.

Ang desinyo sa jacket, may gitago kini nga air-bag sa ilawom nga kon maaksidente ug malagpot ang nagsakay sa motorsiklo, diha-diha kini nga mobukad ug masudlan og hangin ang bag aron nga ang lawas sa nagsul-ob dili direkta nga modapat sa karsada.

Adunay gamay nga tangke sa CO2 nga gibutang ilawom sa jacket. Aduna kini lock nga giporma og lingin nga gidisenyo nga kon mabira gani pagkusog, matangtang ra og diha-diha mogawas ang hangin gikan sa CO2 nga igo gyud nga makapabukad sa air-bag jacket.

Sa pagsakay nimo sa motorsiklo, imong idugtong ang lock ngadto sa gamay’ng alambre nga gihigot nang daan sa chassis sa motor. Ang tuyo niini nga kon madisgrasya ug malagpot ang nagsakay, sa dili pa siya motugpa sa yuta, mibukad na ang air-bag.

* * *

Uy, daghan man diay’ng misupak sa pagkatudlo ni Michael Lloyd Dino isip presidential assistant dinhi sa Visayas. Ngano kaha? Bisan gani si Mayor-elect Tommy Osmeña wala makagusto nga si Dino matudlo sa maong puwesto.

Ang manifesto nga nagkuwestyon sa pagkatudlo ni Dino sa maong posisyon gipirmahan sa grupo sa mga Duterte volunteers sa miaging eleksyon.

Sa balita sa Freeman kaniadtong Lunes, si Atty. Rex Fernandez miingon nga gusto lang silang mga Duterte supporters nga ang mapili nga morepresentar sa Visayas, dili lang kay aduna siya’y negosyo.

Nanglantaw ang mga miprotesta kang Dino nga moabot ang higayon nga motumaw ang conflict of interest tungod kay dili imposible nga gamiton ni Dino ang iyang katungdanan alang sa iyang negosyo.

Kining maong isyu angay gyud nga sulbaron ni President-elect Rodrigo Duterte aron dili kini makabuak sa ilang mga supporters dinhi sa Kabisay-an.

Lakas kaayo si Dino kang Duterte kay sa matag anhi sa mayor sa Davao City atol sa kampanya, ang itom niya nga sakyanan nga mura’g bullet proof maoy gisakay-sakayan.

 

 

 

HIGH SCHOOL MANDATORY TRAFFIC EDUCATION ROAD SAFETY TRAFFIC RULES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with