Ms. Asia Pacific International 2026

Thailand milangkat sa korona; Pilipinas nalandig isip 3rd runner -up

Gikoronahan ang pambato sa Thailand nga si Sasiwararin Atsawahirankarn isip bag-ong Miss Asia Pacific International 2026 ug gipahigayon ang koronasyon didto sa Mactan Expo niadtong Sabado.

Si Gia Angelique Franceschi sa Costa Rica ang first runner-up, samtang second runner-up si Nompumelelo Malindi sa South Africa.

Nahimutang isip third runner-up ang representante sa Pilipinas nga si Gabrielle Galapia, samtang fourth runner-up si Itzel Idolina Silva Borbon sa Mexico.

Usa ka hugyaw ug tulin nga dagan sa indigay ang nipatigbabaw atol sa grand coronation night nga gilangkoban sa mga Sugbuanon nga performers ug production team.

Kahinumdoman sa wala pa ang adlaw sa koronasyon gibisita sa mga kandidata ang nagkadaiyang lugar sa Probinsya sa Sugbo.