Dylan Carter mipanaw
CEBU, Philippines — Nipanaw ang 24-anyos nga singer nga si Dylan Carter, nga nailhan isip usa sa mga contestant sa “The Voice” Season 24.
Suma pa sa report sa Variety, nakabsan ang singer sa iyang kinabuhi human maaksidente sa sakyanan sa South Carolina sa niaging gabii .
Gikasubo og maayo ni Moncks Corner, South Carolina Mayor Thomas Hamilton Jr. ang kamatayon sa ni Dyla ug gihatagan og pag-ila ang iyang nahibiling kabilin.
“As a gifted singer, he frequently entertained our community with his performances at Town events. His kindness and charm earned him immense respect, and his absence will be deeply felt," suma pa ni Hamilton .
Heaven nanglibre og gasolina sa jeepney drivers
Gilusad ni Heaven Peralejo sa niaging adlaw ang proyekto niya nga "Pasada for A Cause" kun diin niabot sa 150 ka jeepney drivers ang nahatagan niya og libreng gasolina .
Ang kantidad sa gasolina sa matag drayber kay P500.
Niabag kaniya sa maong programa mao ang fanbase niya nga MarVen Royals.
Sweet kaayo
Dili na malilong ang espesyal nga relasyon nila ni Juliana Gomez ug Ricci Rivero ug spotted na pud sila nga naka- holding hands pagkahuman sa PBA game sa niaging gabii. Nasigpatan usab ang presensya ni Ricci sa pipila ka mga okasyon sa pamilya ni Juliana.
Nabiktima sa Basag Kotse
Biktima sa Basag Kotse nga riding tandem ang aktor ngas Andrew Muhlach nga nahitabo sa niaging gabii didto sa Quezon City. Gibisita ni Andrew ang iyang higala busa naka-park sa gawas ang iyang sakyanan, Sa dihang gisusi niya og balik ang iyang sakyanan, nasuta niya nga nabuak na ang bintana niini . Nawala ang iyang passport , ATM card , ug cash. Pagkasunod adlaw, nakit-an na lang sa kanal ang iyang passport.“Huwag maglagay at mag-iwan ng importanteng gamit sa loob ng sasakyan. Kung importante, dalhin na ninyo,” mensahe pa ni Andrew
“Ina” nalakip sa Canneseries
Nalakip ang Filipino-Australian comedy-drama series nga “Ina” sa mga gipasalida sa Cannes International Series Festival ( Canneseries). Usa kini ka tinuig nga international television film festival didto sa Cannes, France.Nakatigi sa “Ina” ang ubang series nga nagikan sa Canada, Belgium, France, Austria, ug Finland.
- Latest
