Belle na-in love sa pagsusulat ng kanta dahil sa Listener’s Choice award

Nasungkit ni Belle Mariano ang Listener’s Choice award para sa Bugambilya sa katatapos pa lamang na Billboard Philippines Women in Music Awards.

Isang malaking karangalan para sa actress-singer na mapahanay sa ilang mga tinitingalang singers sa Pilipinas katulad nina Regine Velasquez, Moira, dela Torre, Sarah Geronimo, Morissette, Ena Mori, Bini at Pilita Corales. “I never really expected. I used to dream about this. Even just entering there, surrounded by amazing women in music that I look up to in the music industry. Grabe ‘yung kilabot,” nakangiting pahayag ni Belle.

Nagsimula bilang isang child actress si Belle noong sampung taong gulang pa lamang. Mula noong kabataan ay naging inspirasyon na raw ni Belle si Miley Cyrus sa kanyang pagkanta. “I used to watch Hannah Montana. I wanna be like her one day. I wanna be able to make other people smile through my music. And I never really expected to create music, to write songs and just be here. So everyday it still amazes me. Everyday talaga ang dami kong natututunan,” kwento niya.

Napapanood tuwing gabi si Belle sa Can’t Buy Me Love na pinagbibidahan nila ni Donny Pangilinan.

Sa ngayon ay mahigit 15 milyon na rin ang naging streams para sa Bugambilya single ng dalaga sa Spotify. Bukod sa pag-arte ay pagbubutihan pa raw lalo ni Belle ang pagsusulat ng mga kanta. “When I entered the music industry, and after wrote my very first song, the process I fell in love with it. So, I can say, I am more inspired now to write more, to inspire more people with my music. Music for me, I see it as art. Somehow like acting. With music, you can express so much, feel so many things by listening to music takes you to many different places,” makahulugang pahayag ng dalaga.

Kristel, ayaw maging pabigat sa kanyang Oppa

Agosto noong 2022 nang ma-diagnose na mayroong schwannoma si Kristel Fulgar dahil sa tumor sa isang binti. December noong isang taon naman nang pumunta ang aktres sa Korea upang magpatingin sa doktor. Pagkatapos ng ilang laboratory tests ay nagpasya nang magpaopera ng dalaga nitong Enero lamang. “I have never imagined that I would be undergoing a biopsy test in my 20s. I can say that this is one of the scariest things I’ve done. It was the hardest challenge I faced in my life. It really affected my mental health and triggered my anxiety. There were a lot of ‘what ifs’ and I cried every night to sleep,” pagbabahagi ni Kristel sa kanyang YouTube channel.

Ang Koreanong manliligaw na si Suhyuk ang nakasama ng dalaga sa kanyang pagpapagamot sa Korea.

Malaki ang pasasalamat ni Kristel sa tinatawag niyang ‘Oppa’ dahil sa suportang ibinigay nito mula nang magpaospital sa Korea. “Sobrang nakakatulong din si Suhyuk kasi lagi niyang sinasabi, ‘Okay lang ‘yan. Magiging okay rin.’ Medyo nako-comfort. Magaling siyang mag-comfort,” pagtatapat ng aktres.

Pagkatapos ng operasyon sa Korea ay nagpasya nang bumalik sa Pilipinas ni Kristel upang magpagaling. “I decided to go back to the Philippines to recover. Suhyuk really helped me a lot and I don’t want to continue being a burden to him. My mom is in the Philippines and wants to take care of me until I fully recover,” paglalahad ng dalaga. — Reports from JCC