Sugat sa Tabunok 2024
CEBU, Philippines — Nagkainit na ang preparasyon sa St. Joseph The Worker Parish diha sa Barangay Tabunok , Talisay City alang sa ilang hugyaw nga "Sugat sa sa Tabunok 2023" karong Marso 31, 2024.
Adto kini ipahigayon sa Gaisano Tabunok Parking Lot sa ala 1:30 sa kadlawon nga pagasundan dayon sa traditional sugat .
Kauban sa kabatan-onan sa Tabunok mao ang magdudula nga gilangkoban sa taga Guadalupe, Pardo ug Argao.
Ang radio commentator nga si Aljin Abaquita maoy direktor sa Sugat sa Tabunok.
Si Noel Jumao-as ang modala isip Hesus , samtang si Mary Ann Dumaran ang modala sa karakter ni Maria .Modala usab isip Poncio Pilato mao si
Jun-Jun Baculi, samtang sila si Jeric Kyle dela Cuesta ug John Michael Cabriana maoy mga anghel.
Sa dili pa ang maong grand stage play , himoon una ugmang adlawa , Marso 24 , 2024 ang passion play diha sa Tabunok Complex sa alas 8 sa buntag nga pagasundan dayon sa Santos nga Misa .
Ang maong dula sa entablado kay langkoban sa 80 ka mga cast members ug kapin sa 20 ka mga production staff.
Lovi makatrabaho si Adam Beach
Malakip si Lovi Poe sa pelikula sa Canadian actor nga si Adam Beach ug gipaluyohan kini sa direktor nga si Garry A. Brown kinsa nailhan kaniadto sa iyang mga proyekto nga "Prison Break" ug Marvel's "Agents of S.H.I.E.L.D.."
Wala pa'y titulo ang nahisgotang movie project .
"Couldn t be happier to share this with you guys. Really grateful for the opportunity to work with such amazing filmmakers and be part of the inspiring true story of Paul and Marie Fullerton,"suma pa Instagram post ni Lovi . Kahinumdoman nga bag-ohay lang nahuman ang aktres sa US indie film nga "Bad Man" kauban ang "American Pie" star nga si Seann William Scott.
- Latest