Solenn intresado sa sequel sa Encantadia

CEBU, Philippines —  Nakatutok si Solenn Heussaff  sa pag-atiman  sa mga anak nila ni Nico Bolzico  busa nipahuway siya sa pagdawat og showbiz projects sulod na sa taas nga panahon.

Apan kun tanyagan siya sa GMA-7 nga malakip  sa 'Encantadia Chronicles: Sang'gre', andam siya modawat niini.

Kahinumdoman nga sa nangaging Encatadia series , gidala ni Solenn ang karakter ni  Cassiopea nga usa sa mga rayna. 

Trabaho lang

Makauban ni  Ruru Madrid sa Kapuso series nga  Black Rider ang pipila ka mga artista nga nagikan kaniadto sa FPJ’s Ang Probinsyano ni Coco Martin ug kini sama nila ni Yassi Pressman  Raymart Santiago, Joem Bascon, Janus del Prado, ug Empoy Marquez .

Gibutyag ni Yassi nga nagpasalamat siya sa ABS-CBN gumikan kay gitugtan ra gyud siya nga mahimong kabahin sa Kapuso series.

Matud pa sa aktres nga wala na’y network war  karong panahona, gani motan-aw pa gihapon siya sa Batang Quiapo ni Coco Martin.

“Ngayon naman po, sinabi nga po kanina, wala na pong network wars, kaya very, very grateful po talaga na merong mga trabaho.At the end of the day, siyempre kailangan din nating magtrabaho para dun sa pamilya natin.And, most of all, siyempre, I think it's a good way to challenge also to do even better,” suma pa ni Yassi.

James ug Kim Hanbin  magpares sa "Jacuzzi”

Nagpanikad na si James Reid  sa gikatakdang  kolaborasyon nila sa  South Korean rapper nga si  Kim Hanbin  ug  Grammy-award-winning producer nga si  DJ Flict alang sa comeback single niya nga  "Jacuzzi."

"My latest collaboration that I just did, just recently came out a couple of days ago.It's a track called 'Jacuzzi' with B.I. He's a K-pop star. He used to be in IKON. I'm very excited for that.It's like a house party track with R&B vocals. You should definitely check it out,” saysay pa ni James ngadto sa PEP.

Si Hanbin maoy nagpasikat kaniadto  sa  "Love Scenario"ug  "Killing Me."

Samtang si  DJ Flict kay ilado kaayo gumikan sa iyang mga proyekto kauban sila si  Cypress Hill, Wiz Khalifa, Meghan Trainor, aug  Fifth Harmony.

Lingaw kaistorya

Gibutyag sa komedyanteng aktres nga si  Melai Cantiveros nga lingaw kaayo  kaistorya ang Korean actor nga si  Do Ji-han.   Nakatrabaho  ni Melai  ang aktor sa pelikulang  Ma'am Chief: Shakedown in Seoul.   Suma pa nga dili gyud arte nga pagkatawo si Do Ji-han. Una na nga gibutyag ni Melai nga dakong garbo alang kaniya nga makauban sa trabaho ang maong sikat nga Korean star.

Nag-alagad sa Mowelfund

Nalakip ang aktor nga si Dingdong Dantes sa Board of Trustees sa Mowelfund. Gihangop sa aktor ang bag-ong hugna sa iyang karera alang sa pag-amoma sa mga nagtrabaho sa entertainment industry."In our quaint neighborhood of Cubao, right next to my sisters’ school, stands the Mowelfund institution. I was always intrigued by it as I used to walk my sisters to their classes from the late ‘80s to the early ‘90s. My curiosity about this place grew, and little did I know, it would become a significant chapter in my life’s story," matud pa sa  Instagram post.

 “Umaga”

Gipalanog na sa Spotify ang  kolaborasyon nila ni  Gloc-9, Ramdiss,ug  Hero sa awit nga ,“Umaga,” . Kabahin kini sa  KALYE X nga nag-  highlight sa  Pinoy hip-hop pinaagi sa panag-uban sa pipila ka artists. “I love writing songs about real stories and struggles of people, and being able to capture what we go through every day. As an artist, I want my music to resonate with everyone, hip-hop fan or not. That is why I take pride in creating songs that tell people’s stories like what we did here for our Spotify Single, ‘Umaga,’” ni  Gloc-9 pa. —Sanden J. Anadia

Enchong mitambong sa Tokyo International Film Festival

Nitikang si  Enchong Dee sa  Japan alang sa pagtambong  sa  Tokyo International Film Festival kun diin dunay international premiere  ang pelikula niya nga     “The Fisher” .

“I simply surrendered my life to the Source and He carried me through. One day I will share my story, but for now, I’m genuinely happy to go back to work," Instagram post ni Enchong.  Nominado ang "The Fisher"  alang sa Ethical Film Award sa maong  film festival.

Si  Paul Soriano ang direktor  sa pelikula   ug nalakip usab niini sila si  Heaven Peralejo, Mon Confiado, Mercedes Cabral, ug  Eula Valdez.