Jane, KD at Alexa, nagpatali sa Kapamilya

Matapos ang matagumpay na premiere ng Nag-Aapoy Na Damdamin at Pira-Pirasong Paraiso, pumirma ulit ng eksklusibong kontrata sa ABS-CBN ang homegrown stars na sina Jane Oineza, KD Estrada at Alexa Ilacad sa ginanap na Keep Shining Kapamilya network contract signing event. “I know I am in good hands with ABS-CBN, basta sa part ko lang ibibigay ko ang lahat lahat,” sabi ni Jane na dalawang dekada nang Kapamilya. 

Nagsimula bilang child star at ngayon ay gumaganap na bida sa Nag-Aapoy Na Damdamin, binalikan ni Jane ang pagsisikap na nagdala sa kanya sa tagumpay na tinatamasa ngayon. “Nakaka-overwhelm but at the same time I know that I’ve put in a lot of hard work so I’m giving myself a pat in the back as well,” pahayag niya.

 Mula sa akting, singing, teatro at ngayon ay mga bida na sa panghapong serye na Pira-Pirasong Paraiso, excited sina KD Estrada at Alexa Ilacad, kilala bilang KDLex na ipagpatuloy ang kanilang showbiz career bilang Kapamilya.

 Binigyang-diin ni KD ang kanyang loyalty sa network at nagbigay pasasalamat sa solid supporters na patuloy na naniniwala sa kanyang talento.

 “Ang pagiging Kapamilya po ay responsibility, para ipakita na we can give quality content, services, and we’re there for everybody. ‘Yung mga solid supporters, and to our ‘sweethearts,’ kung hindi dahil sa inyo, I wouldn’t be in this position right now,” ani KD. 

 Para naman kay Alexa, masaya at kuntento ang kanyang puso sa mga proyekto na natatanggap niya bilang isang singer at aktres.

 “I’ve learned a lot of lessons especially since I love what I do. There are no small roles with ABS-CBN because they give us quality shows and quality roles, and I would like to do my part as an actor to show that I deserve what I am given,” pahayag niya.

 Ibinahagi rin ni Alexa ang kanyang loyalty sa Kapamilya network. Aniya, “I literally grew up with ABS-CBN and there’s nowhere else I’d rather be.”