Modelo Sugbo - Batch 2
CEBU, Philippines — Misikad na ang mga nagkadaiyang workshop sa modelling , pagsayaw, public speaking ug uban pa alang sa Batch 2 sa Modelo Sugbo.
Ang kasikas nini kay makita sa CCTN-47 matag Sabado, alas 3:30 hangtod sa alas 4:30 sa hapon ug duna kini replay matag Lunes , 1-2pm.
Una na nga gibutyag sa manager sa Modelo Sugbo nga si Carla Meye Suson nga tumong sa ilang grupo nga mopalig-on sa mga abilidad sa katawhan ug dili gyud ikaulaw niini ang ilang tinagoan nga mga talento .
Kauban ni Suson sa pagdumala sa maong show sila si Star Lormil Cabrera De Gracia (acting director), Em Daculan (assistant director , Grace Nunez Comeros( dancing coach) ug Florante Bregente (modelling coach).
Gawas sa nakalinya nga mga fashion show , ang mga tinun-an sa workshop kay gikatakda usab nga molugwa sa mga short film kauban ang mga bangiitan nga local artists.
Nominado sa Content Asia Awards
Nakakuha og upat ka mga nominasyon ang ABS-CBN sa umaabot nga ContentAsia Awards nga mahitabo sunod buwan.
Ang pelikula nila ni Donny Pangilinan ug Belle Mariano nga "An Inconvenient Love" kay nominado alang sa Best Asian Feature Film/Telemovie, samtang ang ikaduhang season sa "Everybody, Sing!" ni Vice Ganda kay nalakip sa listahan sa mga nominado alang sa Best Asian Original Game Show.
Nominado alang sa Best Asian Drama for a Single Market in Asia ang Kapamilya series nga Dirty Linen, samtang ang teleserye nila ni Piolo Pascual ug Lovi Poe nga "Flower of Evil" kay nominado sa Best TV Format Adaptation (Scripted) in Asia.
Wala usab nagpaulahi ang iWantTFC show sa Thai company GMMTV nga "Never Let Me Go" sanglit nominado usab kini sa Best LGBTQ+ Programme Made in Asia.
Ang programa sa GMA Network nga "The Atom Araullo Specials" kay nominado alang sa Best Current Affairs Programme Made in Asia for Regional Asia and/or International Markets.
Sa niaging tuig ,ang ‘The Broken Marriage Vow’ maoy napili nga Best TV adaptation sa ContentAsia Awards.
Ria wala maglisod kang Tony
Gibutyag ni Ria Atayde nga komportable ra gyud siya sa dihang gibuhat ang love scene nila ni Tony Labrusca sa ABS-CBN Entertainment ug TV5 afternoon series nga Nag-Aapoy na Damdamin kun diin nidala sila isip magtiayon.
" We were all pushed to limits na hindi namin alam kaya pala namin gawin. Coming in here, parang ang tagal din kasi namin hinintay itong show na ito. So medyo super happy kami, nag-aapoy in a sense that we’re overflowing with gratitude because finally heto na. Right now, we are fired up by passion and gratitude na finally mag-so-show na kami,” suma pa ni Ria .
Matud pa sa aktres mao kini ang maisip nha labing mature role nga iyang naangkon.
" I think it’s nice to work with people you’re comfortable with. I’m grateful Tony is my leading man for this one and our directors are gracious enough to guide us through every delicate intimate scene. So I guess that’s really the challenge for me kasi nga as a wholesome po tayo ," niya pa.
Dili basta-basta
Malipayong gianunsyo ni Ez Mil nga nakaangkon siya og record deal sa tulo ka major labels nga naglangkob sa Shady Records ni Eminem, Aftermath Entertainment ni Dr. Dre , ug Interscope Records. Natawo si EZ Mil sa Olongapo, apan didto na kini nagbase karon sa Las Vegas, Nevada kauban ang iyang pamilya .
Mi-renew sa ABS-CBN
Subling mipirma og kontrata sa ABS-CBN ang Mr. Pure Energy nga si Gary Valenciano. Nitambong sa contract signing sa niaging adlaw mao ang asawa niya nga si Angeli Pangilinan Valenciano ug ang pipila ka executives sa Kapamilya network nga sila si ABS-CBN COO for Broadcast Cory Vidanes, Chairman Mark Lopez, ug President /CEO Carlo Katigbak.
Balik-teleserye
Dakong garbo alang kang Snooky Serna nga subling malakip sa usa ka teleserye ilabi na nga taod-taod napud siya nga nakapahuway niini . Nalakip ang aktres sa bag-ong teleserye sa TV5 ug ABS-CBN nga Pira-pirasong Paraiso. Katapusan niya nga serye mao ang Angelito: Ang Batang Ama niadtong 2012.“I’m so thankful na hanggang ngayon ay nandito pa rin ako and I’m thankful to ABS-CBN, channel 5 and of course Dreamscape, sa aming boss, na binigyan nila ako ng tiwala na mapasama sa isang malaking proyekto kagaya ng Pira-pirasong Paraiso.," nagkanayon ang aktres.
- Latest