Filipino audiovisual companies, imbitado sa Marché Du Film 2023

Ang Film Development Council of the Philippines (FDCP) ay naghahanap ng mga Filipino audiovisual companies na involved sa production, production-related activities, line production, post-production, at animation upang maging bahagi ng Marché du Film 2023, ang business arm ng prestihiyosong Cannes International Film Festival, na gaganapin mula May 16 hanggang 24 sa France.

Ang mga kumpanyang mapipili ng FDCP ay makakatanggap ng Marché du Film Market Badges na magbibigay ng access sa kanilang representatives sa kabuuang program ng screening at exclusive reruns ng Cannes International Film Festival, Marché du Film screenings at online platforms, one (1) year free subscription sa Cinando at ang professional contact details, at sa thematic speed meetings ng pagdiriwang.

Ang mga interesadong audiovisual companies ay dapat magrehistro at ipasa ang kanilang applications sa pamamagitan ng form na ito sa o bago ang April 15.

Narito ang requirements na dapat sundin ng mga kumpanya:

? Dapat ay isang Filipino film company (production, line production, post-production, animation or services)

? Dapat ay rehistrado sa FDCP National Registry

? Pumapayag na bumiyahe patungong Cannes, France para sa Marché du Film 2023

? Dapat ay fully-vaccinated o may booster shot sa kahit na alin sa apat na EU-approved vaccines: Moderna, AstraZeneca, Pfizer at Janssen

? Pumapayag na sumunod sa COVID-19 travel restrictions

Samantala, ang professional details naman ng mga mapipiling delegates ay itatampok sa Marché du Film publications.

Ang Marché du Film ay isa sa pinakamalaking film markets sa mundo kung saan may mahigit 12,000 film professionals ang nagtitipun-tipon mula sa buong mundo para bumuo ng mga network at siyasatin ang co-production opportunities.

Magkakaroon ng Philippine pavilion ang FDCP kasama ang Singapore Film Commission upang bigyang puwesto ang Filipino delegates kung saan nila maaaring gawin ang kanilang meetings, pag-usapan ang mga kasunduan at palawakin ang kanilang networks sa kanilang foreign counterparts.