Parada ng SMMFF gaganapin sa Quezon City, walong pelikula patalbugan sa float!

Ngayong araw, Palm Sunday, gaganapin ang Parade of Stars para sa Summer Metro Manila Film Festival na magbubukas sa mga sinehan beginning April 8, Black Saturday.

Mag-uumpisa ang parada ng 4:00 p.m. sa Villa Beatriz, Commonwealth papuntang Quezon Memorial Circle.

Mapapanood din ng live sa MMFF official facebook page –  #2023SummerMMFF.

Walong pelikula ang tampok sa kauna-unahang Summer MMFF.

Kabilang dito ang Apag; Singlebells; About Us But Not About Us; Kahit Maputi Na Ang Buhok Ko; Unravel: A Swiss Side Love Story; Here Comes The Groom; Yung Libro Sa Napanood Ko; and Love You Long Time.

Ang Quezon City sa pangunguna ni Mayor Joy Belmonte, na magsisilbing host city ng parada, ay magpapakalat pa ng mahigit 1,000 na tauhan para tulungan ang MMDA na lead agency sa MMFF.

Samantala, ang MMDA at ang Film Development Council of the Philippines (FDCP), sa pamumuno ng Chairman nitong si Tirso Cruz III, ay pumirma rin ng memorandum of agreement para sa partnership grant na P300,000 para sa bawat entry ng Summer filfest.

Gaganapin naman ang awards night nito sa April 11 at the New Frontier Theater.

Anyway, in all fairness, parang mas maganda ang mga pelikulang kasali sa MMFF kabilang dito ang Unravel starring Gerald Anderson and Kylie Padilla, Here Comes the Groom starring Enchong Dee, Gladys Reyes, Maris Racal among others, Apag ni Coco Martin, Kahit Maputi Na Ang Buhok Ko (The Music of Rey Valera) starring RK Bagatsing na napanood na namin.

Parang interesting din ang Love You Long Time na sinasabing grammatically incorrect pero uso na raw kasi ang ganun.

Meron din si Bela Padilla na ‘Yung Libro sa Napanood ko at Single Bells.

Wala akong idea sa story ng Love You Long Time.