‘Best present ever’: Komento ni Solenn sa regalong string art piece ni Nico
MANILA, Philippines — Isang string art piece na nilikha ng Brazilian artist at engineer na si Luis Henrique ang regalo ni Nico Bolzico sa kanyang asawang si Solenn Heussaff na nagdiriwang ng kaarawan ngayon.
Ang napakagandang obra ay may mukha ni Solenn at ang kanyang anak na si Thylane.
"Happy Birthday to the best mama and life partner!" ani Nico sa kanyang IG caption.
Nagpahayag ng pasasalamat ang social media personality at entrepreneur sa lahat ng mga bagay na nagawa ni Solenn para sa kanya at sa kanilang pamilya.
"Thank you for loving us unconditionally, thank you for always being present, thank you for taking care of us, thank you for not kicking #ElPadre out (even when he deserves it)”
“Thank you for being the best example of a good person, thank you for giving us a sibling, but mostly, thank you for being YOU and choosing US everyday!" dagdag pa ni Nico.
"Best present ever. Love you baby!" komento ni Solenn sa post ni Nico.
Ang naturang post ay umani na ng 86K hearts at mga pagbati ng mga kasamahan ni Solenn sa showbiz at kanyang mga fans.
Ikinasal sina Nico at Solenn noong Mayo 2016 at biniyayaan ng napaka-cute na anak na babaeng si Thylane noong Hunyo 1, 2020.
Kamakailan lang nang ianunsyo ng mag-asawa na inaasahan na nila ang kanilang ikalawang baby. — Philstar.com intern John Vincent Pagaduan
- Latest
